Jemi zyrtarisht në sezonin e streçeve dhe palltos. Duam të flemë me to, të shkojmë në palestër me to dhe madje tundohemi që edhe në club të mos heqim dorë nga kjo rehati.
Tani, prisni të shihni kombinim e radhës për t'i veshur edhe me më shumë dëshirë!
Stili i Kaia Gerber, jo rastësisht është ndikues! Modelja di se si t'i kombinojë edhe veshjet më të thjeshta. Në përditshmërinë e saj, Gerber zgjedh veshje bazike, shumë xhinse, atlete dhe padyshim, streçe!
Së fundmi e shohim shumë të veshur me to, por në një mënyrë të veçantë. Kaia i vesh streçet me çorape sipër! Ndonëse fillimisht do të jeni skeptikë, do ndryshoni mendje kur ta provoni si kombinim.
Përveçse jeni komplet të izoluar ndaj të ftohtit, çorapet sipër tyre i japin një pamje tjetër veshjes.