KESHILLA PER BLERJET TUAJA
Transformim total

Para dhe Pas: Aulona është shembulli se nuk mjafton vetëm palestra

Shkruar nga Anabel

22 Janar 2020

Para dhe Pas: Aulona është shembulli se nuk mjafton vetëm

Vite më parë, regjimi ushqimor dhe aktiviteti fizik i Aulona Mustës ishin shumë ndryshe nga sot. Siç shkruan në Instagram, nëntë vite më parë, 26 vjeçe asokohe, Aulona shkonte në palestër gjashtë herë në javë.

 
 
 
 
 
View this post on Instagram
 
 
 
 
 
 
 
 
 
 
 

A post shared by Aulona Musta (@aulonamusta) on

“Kishte raste që bëja edhe 3 orë në ditë [ushtrime] (1 orë e gjysmë aerobi, 30 minuta pistë dhe 30 minuta biçikletë dhe 30 minuta vegla me peshë minimale. Aq dija atë kohë nga palestra.”

Si rezultat, ajo arriti peshën më të ulët – 56 kg. “Mendoja sa më shumë të bësh, aq më mirë është, aq më shumë dobësohesh. Dhe jo më kot arrita peshën time më të ulët, 56 kg.”

Sot, Aulona stërviet 5-6 herë në javë, maksimumi 1 orë e 30 minuta në ditë. “Ka raste edhe 30-45 minuta,” thekson ajo. Në vijim, vë në dukje se palestra nuk mjafton për të patur një trup të shëndetshëm.

“Ka njerëz që stërviten, ama nuk janë të kënaqur me rezultatet. Kjo tregon që diçka nuk po shkon në stërvitjen apo regjimin tënd ushqimor. Kjo s’do të thotë që të heqësh dorë. Thjesht provo diçka tjetër, atë që është më e mira për ty.”

Në fjalë të tjera, për të patur një trup të shëndetshëm sigurisht që ka rëndësi aktiviteti fizik, mirëpo nuk mjafton. Ndikimin më të madh e ka padyshim regjimi ushqimor.

Po ju risjellim në vijim një artikull që shërben si guidë për të pasur një trup të shëndetshëm në çdo kohë.

1. Proteinat mbi të gjitha
Proteinat duan më shumë kohë të treten se karbohidratet dhe do t’ju ngopin për një kohë më të gjatë. Disa ushqime të pasura me proteina janë vezët e ziera dhe frutat e thata.

2. Shmangni sheqernat
E dimë që sheqeri është gjëja më e shijshme në botë, por nuk po ju bën aspak mirë. Jo vetëm që s’ju ngopin, po ju bëjnë më të uritur dhe shkaktojnë dëme të mëdha për shëndetin.

3. Dy vakte të ndërmjetme
Një mes mëngjesit dhe drekës, dhe një mes drekës dhe darkës. Vaktet e ndërmjetme parandalojnë të ngrënit e tepërt gjatë vakteve normale dhe nëse i planifikoni, janë të shëndetshme dhe ushqyese.

4. Kujdes me racionet
Vaktet e ndërmjetme, normalisht, duhet të kenë më pak kalori se vaktet normale. Rekomandohen 200 kalori dhe duhet të jenë të pasura me fibra dhe proteina.

5. Gatuani në avancë
Nëse hani kur jeni të uritur për vdekje, do të përfundoni duke ngrënë më shumë se ç’duhet dhe duke konsumuar vakte të pashëndetshme. Përgatitini vaktet tuaja në avancë që kur të vijë momenti për të ngrënë, t’i keni gati. Gjithashtu, fshihini gjëkundi çokollatat që mbani nëpër shtëpi.

6. Mbani afër versionet e shëndetshme
Nëse keni neps për akullore, hani pak kos. Nëse keni neps për karamele xhelatinë, provoni fruta të thara. Nëse ju hahen patatina, konsumoni më mirë kokoshka. Pa kripë dhe gjalp ama.

7. Ujë para çdo gjëje
Nëse jeni shumë të etur mund të duket sikur jeni shumë të uritur. Ndonjëherë trupi se bën dot dallimin. Prandaj është e rekomandueshme të pini ujë kur zgjoheni dhe para se të hani.

MOS I HUMBISNI