Ditët e kaluara në male e alpe duke bërë ski janë me plot gojën një aventurë fantastike. Të eksplorosh natyrën edhe nëse nuk ke bërë kurrë ski duket qejf, por të qënit rehat dhe chic në të njëjtën kohë, është pjesë shumë e rëndësishme e këtij sporti.

Veshjet e skisë sot janë më shumë se thjesht "veshje ski-e"! Ditët kur njerëzit që bënin ski ngjanin me një dyshek, i përkasin të shkuarës.

Tani, dizajnet e reja janë jo vetëm funksionale, mbrojtëse dhe të ngrohta, por shumë të bukura vizualisht! 

Morëm shkas nga Megi Pojani, Viola Gjoleka dhe DeaMishel Hoxha që teksa ndodhen në Brezovicë, për xhirimet e sezonit të ri Hostel by Anabel- "Si n'jetë",  po sigurohen bëjnë ski me shumë stil!

DeaMishel e veshur me jumpsuit-in e argjendtë që përveçse i ngrohtë, është një nga trendet e fundit të veshjeve "chic" të ski-së. 

 Megi nga ana tjetër zgjodhi një kompet të bardhë. Një palë pantallona me prerje perfekte kombinuar me një xhup të bardhë! 

Ngjyrat në mes të një vendi rrethuar me dëborë janë MUST!

Viola, zgjodhi këtë veshje para nisjes së aventurës. Xhup i fryrë në ngjyrë rozë dhe pantallona të zeza do t'ju bëjnë të ndiheni seksi edhe nëse ndodh të rrëshkisni gjatë rrugës!

Sigurisht, nuk mund të mungonin as syzet apo dorezat si aksesorë të nevojshëm gjatë një eksperience të tillë.