Ok pra, është koha të tregoni disa sekrete të vockla: Kur ishte hera e fundit kur latë jastëkët? Jo këllëfët, jastëkët! Nëse i keni larë pak kohë më parë, urime! Në të kundërt, lexoni menjëherë gjithë ç’shkruhet në vijim.

Për shkak se jastëkët qëndrojnë në kontakt të vazhdueshëm me fytyrën dhe kanë tendencën të përmbajnë alergjenë (lëndë të huaja për organizmin, që shkaktojnë alergji), duhen larë të paktën dy deri në tre herë në vit. Nëse jetoni në një vend me klimë të ngrohtë dhe të lagësht, ndoshta duhet t’i lani më shpesh.

Qelizat e vdekura të lëkurës, merimangat e pluhurit, vaji i fytyrës dhe flokëve janë disa nga alergjenët që “jetojnë” në jastëkët tanë. Sikur të mos mjaftonte kjo, merimangat e pluhurit ushqehen me qelizat e vdekura të lëkurës.

Ndërrimi i këllëfëve, ndonëse tepër i rëndësishëm, nuk mjafton. Prandaj këshillohet që të lahen edhe jastëkët në lavatriçe, ku duhet të zgjidhni procesin e larjes për rroba delikate me ujë të ftohtë. Nëse lavatriçja ka edhe procesin e tharjes, thajini me nxehtësi të ulët.

Burimi: Well & Good