Më në fund, një lajm i mirë që vjen si pasojë e koronavirusit në vendin tonë. Izolimi total i njerëzve dhe ndalimi i qarkullimit ka bërë që në vendin tonë të ulet ndjeshëm numri i krimeve. Javën që lamë pas, referuar të dhënave në Tiranë janë regjistruar në total vetëm 7 vepra penale!
Në kushte normale, Ministria e Drejtësisë raporton se vetëm në kryeqytet në një javë ndodhin rreth 40 krime.
Duke marrë parasysh sa i lartë është numri i krimeve, dhunës apo abuzimeve të të gjitha llojeve në Shqipëri, ky është lajmi më i mirë që mund të merrnim në ditë si këto. Këtë javë, janë arrestuar vetëm 2 persona për dhunë në familje, 1 tjetër për armëmbajtje pa leje, 2 të tjerë për trafik lëndësh narkotike dhe i fundit për kundërshtim të forcave të policisë.
Izolimi total i vendit, qëndrimi i njerëzve në shtëpi dhe ndalimi i qarkullimit ka bërë që aktivitetet kriminale të pësojnë ulje të ndjeshme, por ndonëse arrestimet kanë rënë, gjobat vijojnë!
Vetëm gjatë 24 orëve të fundit, janë gjobitur 85 këmbësorë për lëvizje gjatë orareve të kufizimit, 109 drejtuesëve të mjeteve i është hequr patenta e ndërsa 15 administratorë biznesesh janë gjobitur pasi hapën lokalet, në kundërshtim me urdhrin e dhënë.
Burimi: EuroNews
