1 – Gjëja e parë që duhet të dini është se rrënjët e flokëve do të shfaqen të paktën çdo katër javë. Ngjyra e kuqe dhe tonalitetet e saj janë të famshme për faktin që zbehen shpejt. Prandaj, do të duhet të shkoni te parukierja të paktën çdo 1 muaj e pak. Mund t’i lyeni në shtëpi, por ju duhen njohuri shtesë.

2 – E kuqja nuk u shkon të gjithëve, ndaj duhet përshtatur në varësi të tonit të lëkurës. E kuqja e errët mund ta bëjë fytyrën të duket e zbehtë. E kuqja e zjarrtë mund të duket këndshëm me lëkurat në tonet e karamelit ose ngjyrat e errëta. Por kjo varet, ndaj duhet të studioni mirë se çfarë i përshtatet ngjyrës suaj. Konsultohuni me një specialist sepse ka rëndësi përzgjedhja midis: ngjyrës së xhenxhefilit, karotës, një toni në nuancat e bakrit, ngjyrës së luleshtrydhes, të kuqes si qershi apo vjollcës së errët.

3 – Ngjyra e kuqe zbehet pas çdo larje ndaj duhet të prisni të paktën tri ditë pasi i keni lyer flokët në mënyrë që t’i lani. Pritja tri ditë pas lyerjes ndihmon flokët që të mos “e shkarkojnë” bojën. Nevojiten kremra dhe shampo specifike për flokët në ngjyrë të kuqe, të cilat i trajtojnë flokët dhe mbajnë më gjatë ngjyrën.

4 – Larja do të ngjasojë me një skenë filmash horror. Bëjmë shaka, por thjesht duam t’ju përgatisim që do të ketë një pellg të kuqërremtë pas dushit.

5 – Duhet të mësoheni të laheni me ujë të vakët ose të ftohtë, pasi uji i nxehtë ndikon negativisht te tonet e të kuqes. Vetëm uji i ftohtë e mban bojën më gjatë në flokë.

6 – Ashtu si uji i nxehtë, edhe tharësja, pjastra apo pajistet e tjera të nxehta për stilimin e flokëve kanë efekte negative ndaj do të duhet të investoni në produkte që mbrojnë flokët nga nxehtësia.

Nëse i keni marrë parasysh të gjitha, mos prisni më gjatë!

Burimi: Glamour