Të famshmit ndahen në dy grupe: ata që ndjekin trendet e modës dhe ata që i krijojnë ato. Grupi i dytë përfshin një numër më të vogël personazhesh, por këta do të mbahen mend më gjatë.
Brigitte Bardot – Off-shoulder
Gratë nisën të tregojnë supet e tyre që në mesin e shekullit XIX. Sot modeli off-shoulder gjendet në shumë modele bluzash e fustanesh, por këtë trend e solli për herë të parë Bigitte Bardot. Aktorja bëri të famshëm dhe modelin e tualetit të syve: “smokey-eyes”.
Madonna – Pantallonat me shtat të ulët
Pavarësisht se emra si: Jim Morrison apo Mick Jagger kishin veshur pantallona me shtat të ulët e të gjera, shumë kohë më parë, kjo prerje pantallonash u bë hit në fund të viteve ’90 dhe fillim të viteve ’00 falë stilistit Alexander McQueen dhe këngëtares Madonna. Në 1994-ën, McQueen tronditi publikun me shfaqjen e tij, gjatë së cilës modelet u shfaqën në pistë me pantallona me prerje të ulët. Madonna e bëri më pas trend në mbarë botën, pasi u shfaq në një reklamë me atë model pantallonash.
Kate Moss - Printi leopard
Në vitet ’90 çfarëdo që vishte rebelja Kate Moss, bëhej trend thuajse menjëherë. E njëjta gjë ndodhi dhe me dizajnin e leopardit. Ka një arsye pse Kate e quajnë “mbretëresha e printit leopard”. Ajo di si ta kombinojnë dizajnin me ngjyrat dhe materialet e duhura.
Paris Hilton – Veshje sportive
Veshjet sportive i kanë lënë prej kohësh qendrat e fitnesit dhe janë zhvendosur në çdo ambient tjetër. Për këtë, një rol të rëndësishëm ka Paris Hilton. Falë bjondes ikonike, kostumet sportive me material velvet e të ngarkuar me gurë u bënë një nga tendencat kryesore të modës së viteve ’00.
Britney Spears – Të brendshme të dukshme
Kjo tendencë nisi në vitet ’00, me shfaqjen e Gucci, ku modelet sfilonin duke ngritur rripat e të brendshmeve mbi rroba. Britney, kontribuoi në popullaritetin e këtij trendi më së shumti, duke i bërë pjesë të rregullt të veshjeve të saj skenike.
Rihanna – Këpucë me çorape
Gratë më parë mbanin taka me çorape, më tepër për arsye praktike. Me daljen në treg të getave, çorapet u lanë pas, madje konsideroheshin si anti-trend, derisa Rihanna vendosi ta ndryshonte këtë rreth dy vite më parë. Këngëtarja kombinoi këpucët me çorape të shndritshme. Çorapet Gucci që ajo ka veshur në foto kushtojnë $1340.
Kim Kardashian – Konturimi
Edhe pse Kim nuk e krijoi konturimin si teknikë make-up-i, ishte ajo që i dha famë dhe e përhapi gjerësisht. Kjo selfie e 2012-ës shënon një ndryshim total në mënyrën se si lyhen sot pjesa më e madhe e vajzave.
Jennifer Aniston – Modeli i flokëve “Rachel”
Ky model flokësh, erdhi pas rolit të aktores, si Rachel tek sitcom-i “Friends”. Të gjithë u fiksuan pas modelit të saj të flokëve, edhe pse aktorja është shprehur se nuk i pëlqente aspak.
Burimi: Bright Side
