Jennifer Lopez dhe Alex Rodriguez, duket se e shijuan mjaftueshëm shtëpinë e pushimeve në Malibu dhe tani, kanë vendosur ta shesin $8 milionë, $1,4 milionë më shumë nga ç'e blenë 2 vjet më parë. Sigurisht që vlera shtohet, pasi Jennifer ka fjetur, ka ngrënë dhe ka bërë gjithçka tjetër atje brenda.
Ka shumë shanse të mos jeni ju fatlumët e radhës që do ta shijoni, por fatmirësisht mund të bëjmë një xhiro virtuale, falë fotove të publikuara në internet.
Shtëpia e plazhit në Malibu, ka 4 dhoma gjumi, 4 banja e gjysmë, një garderobë gjigande në formë dhome, ka sauna dhe sigurisht kënde me pamje fantastike!
Nga jashtë, duket kështu!
Nuk e dimë ç'plane ka Jenny dhe Alex pas shitjes së shtëpisë, por dhe nëse ja kanë vënë syrin një tjetër shtëpie pushimesh, mund ta imagjinoni ç'do të shihni pak kohë më vonë. Deri atëherë, shijoni (virtualisht) parajsën më sipër!
Burimi: Cosmopolitan
