Ekzistojnë disa elementë të thjeshtë, që do ta bëjnë më të bukur vizualisht, por jo vetëm, shtëpinë tuaj.
- Dritat e pemës së Krishtlindjeve
Përpara se të ndalojnë së punuari, ndërkohë që qëndrojnë në kuti a në një dollap, nxirrini prej aty dhe dekoroni ballkonin ose oborrin e shtëpisë. Në mbrëmje, do duket si një ambient krejtësisht ndryshe.
- Pishinë e vogël për fëmijë
Nëse keni të vegjël në shtëpi (por edhe nëse nuk keni), një mini-pishinë mund të jetë një ide e mirë për t’u patur në shtëpi.
- Jastëkë dekorativë
Bëjë shtëpinë plot ngjyra këtë verë, duke i mbushur divanët me jastëkë të ngjyrave të ndryshme, apo dizenjo të ndryshme. Shtëpia do duket trendi dhe më e gjallë se kurrë më parë.
- Mbajtëse akulloresh
Mes qindra recetave për akullore në shtëpi, nuk mund të mos keni dhe enën e duhur për t’i vënë ato. Kushtojnë pak para dhe duken kaq të lezetshme.
- Lojëra të ndryshme në shtëpi
“Mos u nxeh”, shah, tavëll dhe çdo lojë që ju vjen në mendje nuk duhet të mungojnë në shtëpinë tuaj. Mbrëmjet e gjata me to bëhen më interesante dhe nata kalon shumë shpejt.
- Shportë pikniku
Një shportë, mbulesa e duhur dhe ushqimet e preferuara të grupit apo familjes. Fundjavat nuk janë dukur kurrë më mirë.
- Aromatizues
Pajisja e shtëpisë me spray apo aromatizues të tjerë do ju bëjë të ndiheni sikur jeni “me pushime” gjithnjë në shtëpinë tuaj. Asgjë nuk qetëson si një aromë e mirë.
Për realizimin e këtij artikulli u përdorën pjesërisht materiale nga Buzz Feed