Tiranë

Zyrtarisht, kjo është ministrja e re e Arsimit!

Shkruar nga Anabel

14 Shtator 2020

Zyrtarisht, kjo është ministrja e re e Arsimit!

Pas largimit të Besa Shahinit, kryeministri i vendit ia ka besuar detyrën e ministres së Arsimit, deputetes së PS-së, Evis Kushi. Kushi, e lindur në Elbasan dhe  e diplomuar në Universitetin e Tiranës, Fakulteti Ekonomik, dega Administrim Biznes ka përvojë të gjatë si pedagoge përgjatë gjithë karrierës së saj. 

Zyrtarisht, kjo është ministrja e re e Arsimit!

Nga viti 1998 deri në vitin 2013 ka qenë lektore në Universitetin “Aleksandër Xhuvani” në Elbasan. Në vitin akademik 2008-2009 ka qenë lektore në Universitetin Shtetëror të Tetovës, Fakulteti Ekonomik, Maqedoni. Në vitet 2012-2013 ka qenë dekane e Fakultetit Ekonomik në Universitetin “Aleksandër Xhuvani” në Elbasan.

Që prej vitit 2013, ministrja e re e Arsimit është zgjedhur deputete e PS-së dhe gjithashtu është anëtare në Komisionin për Ekonominë dhe Financat.

Evis Kushi është gjithashtu autore dhe bashkëautore e botimeve shkencore në fushën e marketingut dhe turizmit.

Burimi: Abc News & Balkan Web

 

 

 

 

MOS I HUMBISNI