Celebrity

Liam s'është fare, po fare i shqetësuar nga deklarata e fundit e Miley-it

Shkruar nga Anabel

3 Dhjetor 2020

Liam s'është fare, po fare i shqetësuar nga deklarata e

Miley Cyrus dhe Liam Hemsworth do të jenë përgjithnjë bashkë, por në zemrat tona. Sa për kujtesë, ish-çifti u lidhën dhe u ndanë shumë herë brenda 10 vitesh, derisa romanca përfundoi në martesë dhe martesa jetëshkurtër në divorc! Dyshja i dha fund vitin e shkuar, por Miley pavarësisht gjithçka ka ndodhur gjatë kësaj kohe, s'mund të mos flasë për Liam-in dhe historinë me të.

Së fundmi, këngëtarja u shpreh se lidhja e tyre nuk do të funksiononte kurrë për shkak të konflikteve të shpeshta dhe Liam s'ka asnjë kundërshtim.

"Mes nesh kishte shumë konflikte. Kur kthehesha në shtëpi, kisha nevojë të kisha një njeri me të cilin të koordinohesha, të isha në një linjë. Nuk doja drama ose zënka."- u shpreh Miley gjatë një interviste për The Howard Stern Show.

Pavarësisht se e konsideroi dështim martesën me të, Cyrus tha se do ta dojë përgjithmonë Liam-in.

"Pavarësisht ulje-ngritjeve që kishte ajo lidhje, unë e kam dashur dhe e dua shumë atë. Do ta dua përgjithmonë."

Nga ana tjetër, aktori duket fare i pashqetësuar nga deklarata të tilla. Nuk besdiset nga fakti që Miley e quan "të dështuar" marrëdhënien dhe është totalisht i fokusuar nga e dashura e tij e re,Gabriella Brooks.

Burimi: Cosmopolitan

MOS I HUMBISNI