TV Mania

Prisni të fiksoheni me 'Të Panjohurit', formatin e ri të lojës së famshme

Shkruar nga Anabel

10 Janar 2021

Prisni të fiksoheni me 'Të Panjohurit', formatin e ri

"Të Panjohurit", rubrika më e re që nisi sot në "E Diela Shqiptare", do të kthehet shpejt në lojën më fiksuese televizive edhe për publikun! 

Cili është formati i "Të Panjohurit"?

Ky "game show" është patenta më e re e blerë nga Tv Klan, formati origjinal i të cilit është "Identity". 

Fillimisht, ky game show i famshëm amerikan nisi në dhjetor të 2006-ës dhe u moderua nga Penn Jillette. Në fund të lojës, fituesi shpërblehej edhe me 500,000 dollarë, nëse gjërat shkonin siç duhet.

Si funksionon loja? 

Në një podium qëndrojnë 12 njerëz, identiteti i të cilëve është i panjohur. Përballë tyre, është konkurrenti i cili pasi i sheh fizikisht, i prezantohet një listë me karakteristika. Për secilën nga karakteristikat, ai duhet të gjejë identitetin të cilit i përket, vetëm duke i studiuar fizikisht. Në fund, të panjohurit konfirmojnë nëse iu përket ose jo tipari që shfaqet në ekran. 

Ndërkohë, tek "Të Panjohurit", ishin 8 të panjohur dhe luhej për 20.000 euro nëse gjendej edhe identiteti "i të afërmit misterioz".

Secili nga të panjohurit kishte nga një vlerë monetare dhe detyra e konkurrentit ishte të lidhë tiparin e përcaktuar me identitetin e 8 pjesëmarrësve. Pas çdo gjetjeje, ankthi i lojës shtohet dhe të gjithë janë të dyshuar. Kush fshihet pas atyre tipareve aq të veçanta?



MOS I HUMBISNI