Kim Kardashian iu rikthye zyrtarisht Instagram-it, por kësaj here ndryshe!

Nëse për ndonjë arsye e keni humbur si lajm, po jua përsërisim. Kim Kardashian dhe Kanye West janë në prag divorci. Pavarësisht ankthit dhe kureshtjes së botës, as reperi dhe as Kim nuk kanë konfirmuar apo mohuar diçka, por pavarësisht kësaj, gjestet flasin vetë.

Pak ditë më parë, Kim postoi një foto të sajën në Instagram, ku shfaqej pa unazën e martesës. Ndonëse e fshiu pas pak, fansat e vunë re dhe lajmi u bë edhe më i besueshëm. 

Pas shumë lajmeve, komenteve dhe thashethemesh, Kim vendosi t'i rikthehej Instagram-it, njësoj si në fotot e fshira-pa një unazë në gisht.

Tek të dyja fotot, ylli i Keeping Up With The Kardashian nuk ka një unazë, por tek e dyta mënyra se si ka mbajtur dorën, duket sikur do të thotë me zë të lartë: "Mes meje dhe Kanyes mori fund!".

Gjithsesi brenda klanit Kardashian-Jenner të gjitha opsionet janë të mundura dhe s'mund ta dish kurrë ç'po ndodh vërtet.