Shqipëria

Ndahet nga jeta piktori dhe skenografi Rexhep Aliaj

Shkruar nga Anabel

13 Janar 2021

Ndahet nga jeta piktori dhe skenografi Rexhep Aliaj

Piktori dhe skenografi shqiptar, Rexhep Aliaj, është ndarë nga jeta. Lajmin e hidhur e bëri të ditur i vëllai, Robert Aliaj, përmes një postimi në Facebook.

“Kur ndërrojnë jetë prindërit, thuhet se ke humbur të kaluarën.
Kur ndërron jetë bashkëshorti, ke humbur të tashmen.
Për fëmijët nuk guxoj të shkruaj. Kur ndërron jetë vëllai/motra, ke humbur një pjesë të së kaluarës, të tashmes dhe të ardhmes.
Thonë se dashuria nuk vdes kurrë, dhe kështu, mbase, as të dashurit nuk vdesin?
U prehsh në paqe vëllai im Rexhep Aliaj në këto kohë kolerash ku jemi të detyruar ta mbajmë hidhërimin brenda nesh si një parazit të pështjelluar në thelbin e shpirtit. Ne do të vazhdojmë, por nuk do të jemi kurrë më njësoj.”

Ndahet nga jeta piktori dhe skenografi Rexhep Aliaj

Rexhep Aliaj ishte një nga skenografët e parë në Radio Televizionin Shqiptar, ku punoi për krijimin e skenografisë për mbi 16 Festivale të Këngës, para viteve ’90. Në një intervistë të vitit 2013 me Sot.com, ai shprehej se pavarësisht kontributit në skenografi dhe pikturë, nuk ishte forma që ai donte të shprehej.

 
 
 
 
 
View this post on Instagram
 
 
 
 
 
 
 
 
 
 
 

A post shared by Rexhep Aliaj Art (@rexhep_aliaj)

“Që në kohën e socializmit piktura ime kritikohej dhe nuk arrinte dot të hynte në ekspozitë për dukuri të artit modern, ekspresionizmit. Edhe në fushën e skenografisë e njëjta gjë ekzistonte, megjithëse unë jam nga të parët skenografë të RTSH, ku prej vitesh punova për të krijuar themelet e asaj skenografie të re për vendin tonë. Megjithatë idetë e mia ishin të dukshme që ishin për një art më të evoluar, jo për realizmin socialist që ndiqej atëherë. Nëpërmjet artit të realizmit socialist unë shihja fotografi, por jo art në përmbajtje.”

 
 
 
 
 
View this post on Instagram
 
 
 
 
 
 
 
 
 
 
 

A post shared by Rexhep Aliaj Art (@rexhep_aliaj)

Në fillim të viteve ’90, ai u largua në Athinë ku fitoi “njëkohësisht edhe lirinë për krijimtarinë”. Gjatë krijimtarisë së tij, Aliaj realizoi disa cikle punimesh, të cilat u prezantuan edhe nëpër ekspozita në Shqipëri.

MOS I HUMBISNI