Alketa Vejsiu, ashtu si shumë të tjerë, është frymëzuar nga figurat italiane në fillesat e saj në karrierën televizive. Në një postim në Instagram, moderatorja është kthyer pas në kohë duke treguar një ndër ëndrrat e fëmijërisë, të cilën e bëri realitet. Ajo ka takuar Lorella Cuccarini – balerinë, moderatore, këngëtare dhe aktore italiane – në një prej shfaqjeve të saj, Non mi hai più detto ti amo.
“Pothuajse 25 vite më parë, i kërkova një gazetareje të televizionit publik shqiptar që të më intervistonte sepse një ditë do të bëhesha e famshme! I fola për idenë se kur të rritesha doja të bëhesha si Cuccarini. Teksa shihja televizionin italian, e doja për faktin se ishe bjonde, këndonte dhe vallëzonte, ishte elokuente dhe inteligjente si askush tjetër; ishte një grua që Italia e donte jo vetëm se ishte e bukur, por sepse ishte e zonja!”
Më tej shkruan:
“E kështu mbeti në mendjen time si një model që duhej ndjekur! Imitoja Ambra Angiolini-n, por më shumë doja të bëhesha si Lorella! Kanë kaluar 25 vjet që nga ajo intervistë dhe ishte me të vërtetë bukur të takoja Lorella-n; bukur sepse simbolizon një fëmijëri plot ëndrra, bukur sepse ajo është fantastike.”
Ndër të tjera, Vejsiu tregon se daja i saj ruante me fanatizëm një kasetë speciale të të gjitha daljeve të saj, ku në një prej tyre shprehet se “dëshiron të bëhet si Cuccarini”.
“Ja kështu mbeten gjurmët e historisë së jetës, në shirita kasetash që sot mund të ilustrohen me takime të vërteta e të gjalla, të ëndrrave të fëmijërisë.”
View this post on Instagram
