Balerini i famshëm shqiptar Kledi Kadiu, lidhi kurorë më datë 28 të muajit që shkoi me balerinën franceze Charlotte Lazzari.

Pas viteve bashkëjetesë, Kledi dhe 26- vjeçarja, kurorëzuan dashurinë e tyre në një ceremoni intime në periferi të Romës, buzë liqenit të Bracciano- s.

Ditën e sotme balerini 44- vjeçar ka ndarë me ndjekësit e tij në Instagram fotot zyrëtare të kësaj ceremonie së bashku me një dedikim për bashkëshorten dhe të pranishmit në dasmën e tij.

"Faleminderit të gjithë miqve tanë që ndanë me ne një ditë kaq të rëndësishme për mua, një ditë që nuk besoja se do vinte kurrë. Dashuria ime për Charlotte dhe për të mrekullueshmen tonë Lea, fjalët që u thanë në hapje të ceremonisë, afeksioni i familjeve tona dhe i miqve tanë që erdhën nga afër dhe larg, e kurorëzuan dashurinë tonë dhe e bënë gjithçka të përsosur. Faleminderit për shpërthimin e emocioneve që më dhuruat. Faleminderit Charlotte që je gruaja që kam dashur gjithmonë dhe që më bëre babain e Lea-s tonë."

Me këto fjalë i ka shoqëruar balerini fotot e dasmës, që duhet thënë se i ngjante një ceremonie si në përralla...