Bebe Rexha dhe Rita Ora dinë vetëm të triumfojnë!

Pak më parë, Victoria’s Secret publikoi listën e këngëtarëve që do të hijeshojnë sfilatën e këtij viti dhe mes emrave janë dhe Rita dhe Bebe. Victoria’s Secret Fashion Show do të mbahet më 2 dhjetor dhe përveç dy këngëtareve me origjinë shqiptare do të performojnë dhe The Chainsmokers, Halsey, Kelsea Ballerini, Shawn Mendes dhe The Struts.

Performuesit e këtij viti janë të gjithë yje të momentit, siç u përzgjodhën dhe vitet e mëparshme. Vjet, sfilata u mbajt në Shangai, dhe në pasarelë kënduan Harry Styles, Migues, Leslie Odom Jr., dhe ylli kinez Jane Zhang. Ndërsa dy vite më parë u përzgjodhën Lady Gaga, Bruno Mars dhe The Weeknd.

Pas një sërë shfaqjes ekstravagante nëpër botë – në qytete si Londra, Parisi dhe Shangai – eventi rikthehet në New York, aty ku pati fillesat 23 vite më parë. Koleksioni i këtij viti do të përfshijë një bashkëpunim me dizajneren britanike Mary Katrantzou.

Pritet që të sfilojnë modele të të njohura si Adriana Lima, Elsa Hosk dhe Sara Sampaio, Shanina SHaik, Georgia Fowler, Cindy Bruna dhe Karlie Kloss. Winnie Harlow, Dukie Thot dhe Lorena Rae do të ngjiten për herë të parë në pasarelën e Victoria’s Secret. Mbetet e paqartë në Kendall Jenner apo motrat Hadid do të marrin pjesë këtë vit.