Përmes një konference për shtyp të dy ditëve më parë, mësuam nga organizatorët e Festivalit të 57 të Këngës se ky vit do të ishte gjithë ndryshime, ku një ndër to është pjesëmarrja e të rinjve në procesin e votimin.

Në fillim, 15 gjimnaze të Tiranës do të zgjedhin 10 maturantët më të mirë. Në total, 150 gjimnazistë do të ndjekin të dyja netët e festivalit në Pallatin e Kongreseve dhe në natën finale do të lokalizohen diku tjetër ku do të mund të votojnë, sipas Gazeta "Shekulli".

Vota e tyre thuhet se do të shërbejnë për të kuptuar trendet e reja, pasi vetëm kështu (duke zgjedhur vetëm 150 të rinj) mund të përfaqësohet shija e brezit të ri. Tani na lind pyetja: A mendoni se 150 maturantët me nota të shkëlqyera dhe (vetëm) nga Tirana janë e vetmja mënyrë për të kuptuar se çfarë duan të rinjtë?