Gjatë premierës së filmit “Lorik”, dokumentari mbi jetën dhe karrierën e kapitenit të kombëtares Lorik Cana ishin të ftuar shumë figura publike dhe jo vetëm. Pjesë e tyre ishte edhe gazetarja Eni Vasili.

Ndonëse moderatorja gjithnjë është treguar diskrete përsa i përket jetës së saj private, për herë të parë është fotografuar pranë partnerit të saj. Burime pranë Vasilit kanë treguar për Panorama Plus se partneri i saj është një inxhinier i suksesshëm në Londër, vend në të cilin ka jetuar që prej viteve ’90-të.

Thuhet se për njohjen e tyre u bë shkas një darkë mes miqsh. Ndonëse inxhinieri i ka kërkuar Enit të zhvendoset pranë tij në Londër, kjo e fundit nuk pranoi për shkak të profesionit dhe pasionin për ekranin.

Gjithsesi, largësia duket se nuk ka qenë problem për çiftin, pasi partneri i saj vendosi ta lërë Londrën dhe aktualisht çifti jetojnë si bashkëshortë në kryeqytet.