Ju e dini si funksionon të paktën mes këngëtarëve shqiptarë. Nëse njëri prejt tyre e ndan mendjen për të kritikuar kolegët apo muzikën në vend, çështja e klikimeve fallso është pika e duhur ku mund ta sulmosh tjetrin dhe ku të gjithë të japin padiskutim, shumë të drejtë!

Disa minuta më parë, ishte Eni Koçi ajo që postoi një screenshot të këngës më të fundit "Medellín" nga Madonna dhe Maluma, me mbrishkrimin:

“3 milionë për 24 orë Madona ft. Maluma. Po çfarë janë Maluma dhe Madonna përpara 1- shave të Shqipërisë?”

Më poshtë shkruan:

“Këtej nga ne kapen për 1 orë”

I të njëjtit mendim duket se është edhe Greta Koçi.

“Shikojeniiiiii se ç’bëhet. Dy nga emrat më me influencë në botë kapin 3 milionë klikime për 1 ditë. Në Shqipëri 3 milionë i kapin për një orë. Duhet t’ia mësojmë këtë Madonna- s dhe Maluma- s se si blihen klikimet fallso, se po më vjen gjynah shumë.” ironizon Greta.

Kjo nuk është hera e parë që lexojmë diçka të tillë, përkundrazi s’ka asgjë të re në këtë mes. Artistë të shumtë kanë “denoncuar” publikisht klikimet e blera të kolegëve, masa e gjerë është në dijeni të gjithë kësaj e megjithatë situata vazhdon po e njëjtë.

Kështu herën tjetër, le të thuhet diçka ndryshe, që godet e sensibilizon ose të mos flitet fare.