Pas më shumë se 15 vitesh në ekranin e Top Channel, ditëve të Albana Osmanit aty duket se po u vjen fundi. Burime për Syri.net dhe Prive raportojnë se ajo do të largohet sepse është e pakënaqur. Madje, thuhet se moderatorja ka debatuar me drejtorin Ben Blushin dhe dy regjisorë të televizionit.

Anabel kontaktoi me Albanën, por ajo nuk pranoi të fliste. Gjithashtu, Vjollca Dedei, drejtoreshë e programacionit në Top Channel, refuzoi të prononcohej.

Një burim për Prive dha deklaratën në vijim:

“Po, Albana është detyruar të largohet pas pakënaqësive të shumta. Përkundër faktit se është një prej ikonave të Top-it, që prej verës së vitit të kaluar, ajo kishte ngelur pa asnjë program për ta prezantuar, ndërsa ka prezantuese të reja që po i udhëheqin 2-3 formate paralelisht. Tashmë nga televizioni nuk përkrahet as fushata ‘Ti je një luledielli’ dhe i kanë hequr reklamën e fondacionit nga transmetimi.”

Lajmi mbetet në përditësim.