Gjatë një komunikimi pyetje-përgjigje me ndjekësit në Instagram, Orgesa Zaimi zbuloi se do të marrë pjesë në “Kënga Magjike 2021”, postim i cili u shpërnda nga producenti Ardit Gjebrea në Instagram.
Siç lexohet në vijim, festivali, i cili u anulua për vitin 2020, do të fillojë në mars të vitit 2021. Si zakonisht, faza e parë prezantuese do të jetë te “E diela shqiptare”, ndërkohë që finalja më 29 maj.
Në janar të këtij viti, producenti u shpreh: “Kënga Magjike në 2020-n – pushim. “Në pranverën e 2021-shit, rikthehemi për t’u dhënë jetë hiteve të verës, për më shumë ritëm dhe ngjyra!
Postimi i Gjebreas i gjeti të papërgatitur ndjekësit besnikë të “Këngës Magjike”, por sidoqoftë ishte një vendim i mirëmenduar për disa arsye, për të cilat mund të lexoni më shumë në këtë artikull.
