Princ Leka dhe Elia Zaharia u bënë prindër për herë të parë më 22 tetor, ditën kur mbretëresha Geraldinë, gjyshja e Princ Lekës, ndërroi jetë (22 tetor 2002). Ditën e sotme, çifti pozoi në prani të së voglës së tyre.

“Të dashur miq, ju falenderojmë përzemërsisht për urimet tuaja me rastin e lindjes së vajzës sonë, Geraldine. Të qënit prind është një bekim, që falë Perëndisë ne të dy po e shijojmë çdo moment!

Dita e lindjes së Princeshës sonë ishte veçanërisht emocionuese, pasi erdhi në ditën kur plot 18 vjet më parë, mbretëresha Geraldine u largua nga kjo jetë. Për ne të dy ishte një përshëndetje nga bota e engjëjve!

Ne si prindër urojmë me gjithë zemër që Princesha e vogël Geraldine të rritet e shëndetshme, ta ketë zemrën të mbushur me dashuri, ta dojë dhe ta vlerësojë jetën dhe jeta ta përkëdhelë me butësi dhe ëmbëlsi vogëlushen tonë!

Nga Leka dhe Elia”

Shënim: Në një version të mëparshëm të këtij artikulli, viti i vdekjes së mbretëreshës Geraldinë u shkrua gabim. Ajo ndërroi jetë më 22 tetor 2002, në moshën 87-vjeçare, në Spitalin Ushtarak, Tiranë.