E dimë që Instagram-i dhe Pinterest-i janë mbushur me verën në Amalfi, me një Aperol Spritz buzë detit, apo në një darkë të këndshme në Romë, por po të shohësh me detaje, do të gjesh një element të përbashkët: Gocat kanë thuajse një model flokësh, prerjen e famshme bob.
Megjithatë, ka 2 bob-e të ndryshme që po dominojnë rrjetet sociale: Bob italian dhe francez.
Cila është diferenca?
Edhe pse të dyja janë prerje të shkurtra, bob-i italian është zakonisht pak më i gjatë dhe shkon përtej mjekrës, ndonjëherë deri te shpatullat (i ngjashëm me një “lob”). Kjo prerje ka volum dhe zakonisht përfshin disa shtresa që ndihmojnë në ngritjen dhe krijimin e një forme të rrumbullakët. Për këtë arsye, bob-i italian funksionon më së miri te flokët e trashë, të ashpër apo me onde dhe kaçurrela.
Ndërsa bob-i francez është zakonisht deri në gjatësi të mjekrës apo më i shkurtër dhe me prerje të drejtë (blunt). Nuk ka aq shumë lëvizje apo volumin natyral në majat e flokëve, por zakonisht përfshin baluke apo shtresa përreth fytyrës që nxjerrin në pah tiparet. Flokët e hollë dhe bob-i francez janë një kombinim perfekt: i japin flokëve më shumë dendësi vizuale falë skajeve të drejta që shtresohen mbi njëra-tjetrën, ndërkohë që heqin peshën e tepërt që i bën flokët të duken të sheshta në rrënjë.
Si stilohen bob-i italian dhe ai francez?
Stilimi është gjithashtu pak i ndryshëm mes këtyre dy prerjeve. Mendo për atmosferën që krijojnë. Verërat italiane janë sensuale dhe romantike, ndaj edhe një bob i frymëzuar nga Italia do të jetë po aq i bukur: onde, volum, ndarje anësore dramatike dhe një përfundim i butë. Mund ta mbash me teksturën tënde natyrale, ose të bësh një krehje me volum (furça e rrumbullakët dhe tharësja e flokëve do jenë miqtë e tu në këtë rast).
Ndërsa vera në Paris është më dinamike dhe e zënë – prandaj edhe bob-i francez është zakonisht më i thjeshtë për t’u stiluar. Shpesh mjafton ta lësh të thahet vetë, të spërkatësh pak spray dhe t’i sistemosh flokët me duar. Ose mund të përdorësh pak piastrën për të krijuar disa valë rreth fytyrës, për t’i dhënë më shumë gjallëri.
Bob-i italian
Zendaya
Lori Harvey
Selena Gomez
Kendall Jenner
Bob-i francez
Gracie Abrams
Keke Palmer
Maren Morris
