Mesa duket, mosha është thjesht një numër për Cher dhe Alexander “AE” Edwards. Ylli 79-vjeçar, e njohur si “perëndesha e Pop-it”, në një intervistë me Gayle King në “CBS Mornings”, foli hapur për marrëdhënien e saj me partnerin 39-vjeçar, duke treguar se pse s’e kanë fare problem diferencën në moshë.
Që prej vitit 2022, kur u lidhën për herë të parë, shumë njerëz komentuan për diferencën e tyre prej 40 vitesh, por Cher nuk i ka marrë fare në konsideratë këto fjalë.
"Ata nuk po jetojnë jetën time. Askush nuk e di çfarë ndodh mes nesh, por ne kalojmë shumë mirë bashkë.”
Cher shpjegoi se Edwards, gjithashtu s’e ka fare problem moshën. “Jo, faleminderit Zotit (s’e ka problem! Ai thotë gjithmonë: ‘Ti mund të plakesh, por shpirti yt bëhet më i ri’”, u shpreh ajo e buzëqeshur.
Arsyet pse ata funksionojnë si çift janë të thjeshta.
“Qeshim gjatë gjithë kohës, e di? Thjesht e dua!”. tha këngëtarja e “Believe”, duke shtuar: “Mendoj se ai është i bukur. Është vërtet i talentuar. Është një nga njerëzit më të talentuar që kam takuar ndonjëherë.”
Gjatë marrëdhënies së tyre, Cher është lidhur shumë edhe me djalin 6-vjeçar të Edwards, Slash. “Dikur thosha, ‘Zot, më jep një burrë dhe një fëmijë të vogël,’” tregoi ajo duke qeshur, duke shtuar se mori “pikërisht” atë që kërkoi.
Cher’s career has spanned more than six decades — but she told @GayleKing that her time in the spotlight, from music to movies to fashion, hasn’t been about reinvention: “I've always been exactly who I am.”
— CBS Mornings (@CBSMornings) November 4, 2025
Now, Cher is taking on a passion project, Cherlato, which she brought… pic.twitter.com/JmsLmJ5nNa
“Është shumë gazmor. Shumë i zgjuar. Të kënaq, vërtet”, tha ajo për Slash.
E po, urime!
