Blue Ivy Carter dhe Jay-Z kaluan një takim të ëmbël babë e bijë këtë javë, teksa u fotografuan së bashku në një ndeshje të Los Angeles Lakers. Megjithatë, ajo që u vu re menjëherë ishte ngjashmëria e paparë e Blue Ivy-t me Beyoncé-n.
“Ooo, ajo ka për t’u bërë si e ëma! Mbajini mend fjalët e mia”, shkroi dikush në Instagram; “Bey apo Blue? S’di kë po shoh!”, u shpreh dikush tjetër; “Gjenet e Jaz Z as nuk paskan tentuar fare”, tha një tjetër komentues humorist.
Pamja e saj “casual chic” tërhoqi sërish vëmendje, pasi ajo kishte veshur një xhaketë lëkure oversize nga Balenciaga, një bluzë të zezë me print, të kombinuar me pantallona xhinse cargo dhe për të kompletuar veshjen, kishte zgjedhur një çantë Diesel në ngjyrë argjendi.
Ndërkohë, Jay-Z kishte zgjedhur një outfit tërësisht të zi, të kombinuar me një kapuç po në të njëjtën ngjyrë.
Sigurisht, ngjashmëria e saj me të ëmën e famshme e bëri edhe më viral momentin.
Beyoncé dhe Jay Z, janë gjithashtu prindër të binjakëve Rumi dhe Sir, 8 vjeç. Edhe pse binjakët janë mbajtur larg vëmendjes publike, Blue Ivy ka qenë më prezente. Ajo gjithashtu ishte pjesë e turneut të Queen Bey, duke performuar si kërcimtare në Renaissance World Tour (2023).
