English
Showbiz

Drama pas kamerave merr fund: Tom Hardy konfirmon rikthimin në serialin hit

IMG_3618.webp

Tom Hardy do të vazhdojë të jetë pjesë e serialit të suksesshëm “MobLand”, duke u rikthyer për sezonin e tretë të pritshëm në Paramount+, përkrah Helen Mirren dhe Pierce Brosnan.

Sipas Deadline, aktori ishte pranë largimit nga seriali pas përplasjeve me skenaristin, producentin ekzekutiv dhe showrunner-in Jez Butterworth gjatë xhirimeve të sezonit të dytë. Raportohet se marrëdhënia mes tyre ishte përkeqësuar aq shumë, sa dukej se bashkëpunimi nuk mund të vazhdonte.

Megjithatë, javët e fundit janë bërë përpjekje për të zgjidhur konfliktin. Një takim i zhvilluar në Londër mes Tom Hardy-t, Jez Butterworth dhe producentit ekzekutiv David Glasser ka rezultuar pozitiv, ndërsa në procesin e pajtimit ka ndihmuar edhe producenti ekzekutiv Guy Ritchie. Burimet thonë se palët kanë arritur një mirëkuptim për të vazhduar bashkëpunimin.

Si rezultat, sezoni i tretë po shkruhet duke u fokusuar sërish te tre personazhet kryesorë: Harry (Tom Hardy), Maeve (Helen Mirren) dhe Conrad (Pierce Brosnan), dinamika e të cilëve është konsideruar si një nga arsyet kryesore të suksesit të serialit.

Edhe pse Paramount+ nuk e ka konfirmuar ende zyrtarisht sezonin e tretë, rinovimi pritet të jetë vetëm çështje kohe. “MobLand” u bë një nga debutimet më të suksesshme të platformës, duke u renditur si seriali i dytë origjinal me nisjen më të madhe pas “Landman”.

Sipas raportimeve, Hardy kishte nënshkruar që në fillim një kontratë trevjeçare me produksionin, gjë që e bën rikthimin e tij edhe më të natyrshëm. Muajin e kaluar u raportua se tensionet në prapaskenë lidhej edhe me vonesa të vazhdueshme të aktorit gjatë xhirimeve.

“MobLand”, krijuar nga Ronan Bennett dhe prodhuar nga 101 Studios dhe Paramount TV Studios, ndjek përplasjen mes dy familjeve mafioze, një luftë që rrezikon të rrëzojë perandori kriminale dhe të shkatërrojë jetë. Në kast bëjnë pjesë edhe Paddy Considine, Joanne Froggatt, Lara Pulver, Anson Boon, Mandeep Dhillon, Jasmine Jobson, Geoff Bell, Daniel Betts, Lisa Dwan dhe Emily Barber.

Mos humbisni edhe

REELS

Dua Lipa ka shprehur mendimin e saj lidhur me aktualitetin politik e social në Shqipëri, duke theksuar gjatë podkastit @service95bookclub se ligji për të hequr sipërfaqe të ndryshme nga harta e zonave të mbrojtura përbën një shqetësim të madh. All rights reserved to @service95bookclub

Pas fitores së Spanjës ndaj Belgjikës në gjysmëfinale, Lamine Yamal ngriti sytë drejt tribunës dhe pa vëllain e tij të vogël, Keyne, i cili po festonte në mënyrën më epike të mundshme. Reagimi i tij u bë menjëherë viral, duke treguar se mes gjithë emocioneve të një ndeshjeje historike, familja mbetet gjithmonë ndjesia dhe mbështetja më e bukur. 🥹⚽

Trashëgimia shqiptare, e sjellë me një frymë moderne. ✨ @dorentinabrand frymëzohet nga veshjet tradicionale të grave shqiptare, duke ruajtur identitetin përmes krijimeve handmade, jo të prodhuara në masë, me elemente autentike (fije, copa, breza, sumbulla dhe detaje dekoruese) të mbledhura nga krahina të ndryshme të Shqipërisë. Çdo veshje mbart një histori. 🤍

Kjo është një nga ato pajisje që s’e dije që të duhej… por tani e pe. 👀✨

Si duken konferencat tuaja?! 🦦 Video by @kyannademi

🌋 Etna ka shpërthyer sërish. Vullkani më aktiv i Europës ka nxjerrë sasi të mëdha hiri dhe tymi, ndërsa aktiviteti vullkanik po monitorohet vazhdimisht nga autoritetet italiane. Deri më tani nuk raportohet për persona të lënduar, ndërsa situata mbetet nën vëzhgim. 📹 Pamjet nga vendi i ngjarjes po bëjnë xhiron e rrjetit.

Do paguanit?! 🤓 Video by @coquicultcoffee

Dita 35 🦩 📸 @erald.halili

Video Credits: @_skerditopalli_

×