Anne Hathaway ka treguar edhe një herë se nuk ka frikë të rrezikojë në modë, duke tërhequr gjithë vëmendjen me një paraqitje të guximshme pa reçipeta. Fotot e saj u publikuan në Instagram nga llogaria zyrtare e filmit Mother Mary, ku aktorja shfaqet me disa look-e të pazakonta dhe mbresëlënëse.

Një prej tyre, që u bë menjëherë viral, ishte një veshje “anatomike” që ndërthurte modën e lartë me artin në një mënyrë të pazakontë. Me vetëbesimin që e karakterizon, Hathaway e solli këtë stil në mënyrë elegante, duke e kthyer në një nga momentet më të komentuar të paraqitjes së saj.

Fustani i gjatë në ngjyrë blu të errët kishte një siluetë tejet elegante. Në pjesën e pasme, një detaj i kuq në formë pelerine shtonte kontrast dhe dramë, ndërsa veli i kuq dhe një aksesor në stil “halo” i jepnin gjithë pamjes një ndjesi teatrale.

Ajo që e bëri vërtet të veçantë këtë look ishte dizajni në pjesën e kraharorit: një zemër e vogël në stil anatomik, me vena dhe arterie të dukshme, që e kthente veshjen në një deklaratë artistike. Ky element i guximshëm e bëri menjëherë veshjen të dallohej dhe të diskutohej gjerësisht.

Në tërësi, paraqitja e Anne Hathaway ishte një kombinim i modës së lartë me krijimtarinë artistik, duke konfirmuar edhe një herë statusin e saj si një nga emrat që nuk ndjek rregullat, por i krijon ato.