E vutë re? Detaji tjetër që konfirmon se Arbana do të moderojë “Ferma VIP”

Arbana Osmani duket se sapo ka dhënë një tjetër indicie që shton dyshimet se ajo do të jetë moderatorja e “Ferma VIP”.

Së fundmi, moderatorja ka ndarë në Instagram një foto nga sheshxhirimi, ku shfaqet krah partnerit të saj, njëkohësisht ish-regjisor i “Big Brother VIP Albania”, Eduart Grishaj.

Në imazh dallohet një terren, që përputhet me natyrën e formatit, por ajo që ka tërhequr më shumë vëmendje është ky detaj: dera dhe dizanji i saj, që mendojmë se e kemi parë edhe më herët.

Megjithatë, ky nuk është i vetmi detaj që ka nxitur spekulimet për rikthimin e Arbanës në ekran.

Pak kohë më parë, në një tjetër Story të publikuar në Instagram, ajo shfaqej e ulur mes baltës dhe barit, e veshur me çizme shiu Chanel, modeli ikonik që kushton rreth 1,150 dollarë (ose edhe më shumë) dhe që rrallëherë përdoret për një shëtitje të zakonshme në baltë. Zgjedhja e këtij look-u në një ambient tipik ferme u interpretua nga ndjekësit si një “mesazh” i koduar për projektin e ri.

Edhe pse ende nuk ka një konfirmim zyrtar, detajet e fundit kanë forcuar bindjen se rikthimi i Arbanës në ekran mund të vijë pikërisht përmes “Ferma VIP”.