Në episodin e fundit të temës së parave në “The Dalina Show”, në Andale Media, eksperti i punësimit dhe menaxhimit të financave, Erald Pashaj, shprehu një ide që ndezi debat nëpër komente:
“Burrat kur kanë para, kanë tendencën që të largohen nga familja sepse paraja u krijon mundësi. Po të shikoni sot, pothuajse të gjithë burrat e pasur në botë, sidomos në një moshë të caktuar, të gjithë janë me gruan e dytë, të tretë. Paraja, siç të jep lirinë që kërkojmë, dhe këto mundësitë, edhe të shfrenon.”
Gjithashtu, Pashaj shtoi dhe mendimin se gratë që vërtet i duan burrat e tyre, janë të vetëdijshme për fenomenin e mësipërm, ndaj dhe nuk duan që burrat e tyre të bëjnë shumë para!
View this post on Instagram
Deklarata pa dyshim që u prit me skepticizëm nga komentuesit, por çfarë thonë studimet nëpër botë për temën që ngriti eksperti?
Pasuria e burrit sjell distancë në familje!
Nga ana emocionale, shumë gra ndiejnë se momenti kur partneri “ngrihet lart” profesionalisht shpesh përkon me një rënie të afërsisë mes tyre.
Sipas një studimi të publikuar në Journal of Marriage and Family, burrat që kanë të ardhura të larta shpesh shpenzojnë më pak kohë me familjen dhe raportojnë nivele më të larta stresi profesional. Kjo nuk është domosdoshmërisht për shkak të mungesës së dashurisë, por për shkak të mënyrës si ndryshon përqendrimi i tyre, nga lidhja emocionale tek arritjet personale.
Në të njëjtën kohë, një analizë nga Harvard Business Review tregon se meshkujt që ngjiten shpejt në karrierë shpesh ndihen të “zënë në grackë” mes nevojës për të siguruar mirëqenie materiale dhe fajit që nuk janë prezent në shtëpi. Ky është një dualizëm që shumë gra e ndiejnë, por nuk e artikulojnë dot.
Pse gratë s’e duan suksesin e tepërt të burrave të tyre
Në mënyrë të pavetëdijshme, disa gra mund të zhvillojnë një rezistencë të heshtur ndaj suksesit ekstrem të partnerit. Jo nga xhelozia, por nga frika e humbjes emocionale.
Shkencëtarët e Universitetit të Çikagos kanë vërtetuar se gratë e martuara me burra që kalojnë shumë orë në punë kanë më pak ndjesi të mbështetjes emocionale dhe intimitetit.
Psikologët e quajnë këtë “fenomeni i zhvendosjes së përqendrimit”: kur një partner investon energji në një fushë (karrierë, para, status), shpesh “shkurton” energjinë në fushën tjetër (familje, ndjenjë, lidhje). Dhe ky, për shumë gra, është momenti kur lind ndjesia e humbjes.
Në një studim tjetër të Pew Research Center, u vu re se gratë që fitojnë më pak se partnerët e tyre janë shpesh më të kënaqura emocionalisht, nëse partneri është i pranishëm dhe i përfshirë. Pra, jo drejtpërdrejt shuma e lekëve, por cilësia e lidhjes është ajo që ndikon lumturinë.
Egoja mashkullore dhe “roli i prodhuesit”
Një tjetër dimension që e shpjegon këtë fenomen është presioni shoqëror ndaj burrave.
Një studim nga University of Bath tregoi se burrat që fitojnë shumë para, shpesh e ndiejnë rolin e “kryefamiljarit” si barrë: duhet të mos dështojnë, të mos shfaqin dobësi. Kjo sjell stres, izolim dhe mungesë hapësire emocionale.
Në vend që të ndajnë suksesin me partneren, shumë burra mbyllen në veten e tyre, duke krijuar pikërisht distancën për të cilën foli dhe eksperti në "The Dalina Show".
Nuk janë paratë që të ndajnë, por mënyra si ato i ndryshojnë njerëzit
As Erald Pashaj, as studimet, nuk thonë se paratë janë “armiku”. Por të ardhurat, si çdo formë pushteti, nxjerrin në pah kush je në të vërtetë. Nëse një burrë, duke u rritur profesionalisht, humb kontaktin me familjen, me partneren, me përditshmërinë e tyre, atëherë s’janë paratë që e larguan, por prioritetet e reja që ai zgjodhi.
Mos e humbisni super episodin me histori për paranë dhe mënyra si ajo ka ndryshuar jetët e tre njerëzve:
