Foto: Emma Stone/ Getty Images

Emma Stone i bën edhe gjërat më luksoze të duken të zakonshme dhe rehatshme.

Pak ditë pas debutimit të flokëve të saj në ngjyrë bakri-kanelle në Festivalin e Filmit në Venecia, Emma ishte në Telluride Film Festival në Colorado më 30 gusht. Ky festival i vogël, por i dashur për kinemanë, na ofron çdo vit frymëzim për stilin e vjeshtës dhe Emma nuk zhgënjeu.

Nga koka te këmbët, ajo ka gjetur kombinimin perfekt: flokët e saj bakri, pulovra të ngrohta prej trikoje, çizme lëkure me majë katrore dhe pantallona lëkure që modernizojnë gjithë pamjen.

Qershia mbi tortë? Xhaketa bomber prej suede në ngjyrë çokollatë, një nga trendet kryesore të vjeshtës, që Emma e ka kombinuar me syze "breshke" që lidhin të gjithë nuancat bashkë.

Ky kombinim, që thyen rregullin klasik të modës që thotë “kafe me të zezë nuk shkon”, duket absolutisht e rehatshme dhe super moderne. Emma ka eksperimentuar me këtë stil edhe më herët, duke veshur xhaketa suede të lehtë kafe me pulovra të zeza, funde mini dhe këpucë loafer masive.

Dhe pavarësisht se rrallë fotografohet jashtë tapeteve të kuqe, ky look e vendos Emma-n si eksperten e vërtetë të stilit për vjeshtën 2025.