Onkologët po iu luten njerëzve që të ndalojnë së bëri këtë veprim të vetëm në dush

Shumë njerëz besojnë se rreziku për t'u prekur nga kanceri varet kryesisht nga gjenetika apo fati. Megjithatë, ekspertët theksojnë se edhe zakonet e përditshme dhe produktet që përdorim mund të ndikojnë në ekspozimin ndaj substancave potencialisht të dëmshme.

Një prej tyre është përdorimi i përditshëm i xheleve të dushit me aroma shumë të forta. Sipas onkologëve, këto produkte mund të përmbajnë kimikate që, nëse përdoren vazhdimisht për vite me radhë, mund të lidhen me një rrezik më të lartë për shëndetin.

"Produktet që mendojmë se na pastrojnë dhe na freskojnë mund të na ekspozojnë ndaj substancave që me kalimin e kohës mund të rrisin rrezikun e kancerit", shpjegon Dr. Sudarsan Kollimuttathuillam, onkolog në City of Hope Seacliff.

Ndër përbërësit që ngjallin më shumë shqetësim janë ftalatet, të cilat shpesh fshihen pas termit "fragrance" (aromë) në etiketë. Sipas Dr. James McCloskey, këto substanca mund të ndikojnë në sistemin hormonal dhe janë lidhur me një rrezik më të lartë për kancerin e gjirit.

Ekspertët përmendin gjithashtu parabenët, që përdoren si konservues dhe kanë një veprim të ngjashëm me estrogjenin, si dhe sulfatet (SLS), gjatë prodhimit të të cilave mund të krijohet 1,4-dioksani, një nënprodukt i klasifikuar si potencialisht kancerogjen. Disa konservues, si DMDM hydantoin, çlirojnë gradualisht formaldehid, një substancë e njohur si kancerogjene.

Megjithatë, mjekët theksojnë se nuk ka arsye për panik. Sipas tyre, nuk ka prova që përdorimi i rastësishëm i një xheli dushi me aromë shkakton kancer dhe kërkimet mbi këtë çështje janë ende në zhvillim.

"Rreziku nuk vjen nga një produkt i vetëm, por nga ekspozimi i vazhdueshëm ndaj shumë kimikateve gjatë viteve", shpjegon Dr. Adeel Khan.

Ai shton se reduktimi i përdorimit të produkteve me aroma intensive është një zgjedhje e arsyeshme, veçanërisht për personat me lëkurë të ndjeshme, gratë shtatzëna dhe fëmijët.

Në vend të xheleve të parfumuara, onkologët rekomandojnë alternativa më të sigurta, si xhelet e dushit pa aromë, sapunët klasikë me përbërje të thjeshtë.

Ekspertët këshillojnë gjithashtu që konsumatorët të lexojnë me kujdes listën e përbërësve dhe të mos mbështeten vetëm te etiketat reklamuese si "natyral" apo "pa parabene". Sa më e thjeshtë të jetë përbërja e një produkti, aq më i vogël është ekspozimi ndaj një "kokteji" kimikatesh që mund të grumbullohen në organizëm me kalimin e kohës.