Ka raste kur, përpara se të mbërrijmë në takimin e planifikuar me estetisten, tashmë e kemi vendosur se çfarë ngjyre do të zgjedhim. Ndonjëherë është një vendim spontan i momentit, herë të tjera, një zgjedhje më e vetëdijshme që reflekton gjendjen tonë emocionale.
Sipas autores dhe ekspertes së ngjyrave, ëalaa, ngjyrat që zgjedhim, qoftë në rroba apo në thonj, luajnë një rol të rëndësishëm në mënyrën se si e përjetojmë botën dhe veten. Ato mund të ndikojnë ndjeshëm në humorin tonë dhe në mënyrën si shprehemi.
Më poshtë janë gjashtë nuanca të njohura dhe kuptimet që ato mbartin sipas Walaa:
E kuqe – Energji dhe veprim
Ngjyra e pasionit dhe dinamizmit. E kuqja na shtyn drejt lëvizjes dhe mund të shërbejë si një nxitës i fuqishëm i humorit të mirë.
Portokalli – çlirim emocional
Portokallia na ndihmon të çlirojmë trishtimin dhe na jep forcën për të ecur përpara, si në aspektin emocional, ashtu edhe në atë praktik.
E verdhë – Vetëbesim dhe gëzim
Një e verdhë pastel na mbush me ndjenja pozitive dhe forcon marrëdhënien me veten tonë, duke na bërë të ndihemi më të sigurt.
Rozë – Dashuri për veten
Ngjyra e butësisë dhe kujdesit. Roza na kujton të jemi të mirë me veten dhe të lejojmë kohën të na sjellë shërimin e brendshëm.
Vjollcë – Krijimtari dhe intuitë
Vjollca frymëzon mendimet e thella dhe na ndihmon të lidhemi me anën tonë kreative dhe shpirtërore.
Jeshile – Balancë dhe ndjeshmëri
E gjelbra është ngjyra e pranimit. Ajo na mbështet për të pranuar të gjitha aspektet e vetes dhe për të krijuar një ndjenjë të brendshme ekuilibri.
