Nëse ju kishte marrë malli për kaçurrelat e kuqe dhe flokët e gjatë dhe natyralë të Nicole Kidman, aktorja sapo riktheu modelin ikonik të viteve 1990.
Në fotot e publikuara nga L’Officiel, aktorja duket sikur ka hequr dorë nga flokët biondë në emër të versionit klasik. Në foto, ajo shfaqet me flokët e gjatë dhe të çrregullt që bien supeve.
Të shohim Kidman flokëkuqe që rikthen modelin klasik me të cilin u bë e famshme në fillim të karrierës së saj si aktore, sigurisht që ka disa doza nostalgjie. Në filmin “Practical Magic” ("Magji praktike") ajo i ka flokët e kuqe dhe me baluke, ndërsa në “Moulin Rouge” ajo e errëson nuancës e së kuqes klasike.
Kidman ka qenë bionde përgjatë viteve të fundit, ndërsa e riktheu nuancës e së kuqes në vitin 2019 për rolin në filmin “The Undoing” (Zhbërja). Për shumë njerëz, Nicole mbetet një flokëkuqe e përjetshme, edhe pse ajo është treguar e hapur ndaj ndryshimeve ndër vite.
“Kam qenë shumë e gjatë në trup dhe e zbehtë në fytyrë dhe flokët e kuqe me kaçurrela kanë qenë zgjedhje e imja, gati më dukej sikur më përkiste kjo lloj nuance. Por, me kalimin e kohës e kuptova që përtej tipit tim të mbyllur mund të ndryshoja dhe të pranoja dhe tonalitete të tjera për flokët dhe sërish të ndihesha mirë,” tha ajo gjatë një interviste për BBC.
Artikuj të sugjeruar:
