Nga bluja e qiellit te nuancat e oqeanit dhe kobalti, bluja po shfaqet gjithnjë e më shpesh në thonjtë e duarve dhe të këmbëve të personazheve të njohura.
Në fillim të korrikut, Hailey Bieber u fotografua gjatë një darke me bashkëshortin e saj, Justin Bieber, pas Kupës së Botës. Ajo kishte zgjedhur të njëjtën nuancë të ndezur si për manikyrin, ashtu edhe për pedikyrin.
Ngjyra e papritur krijonte kontrastin perfekt me fustanin e saj të kuq vintage, një model i shkurtër nga periudha e John Galliano-s te Dior.
Vetëm pak ditë më vonë, Charli xcx kombinoi një veshje tërësisht të zezë me një nuancë të lehtë bojëqielli, që dukej përmes këpucëve të hapura.
Por si mund të zgjidhni nuancën e duhur? Në fakt, nuk duket se ekziston një zgjedhje e gabuar. Mjafton të shihni përreth dhe të merrni frymëzim nga ngjyrat e qiellit, ujit apo detajeve që ju tërheqin vëmendjen gjatë verës.
