Sezoni i eklipseve është në lëvizje! Më 7 shtator ndodhi Hëna e plotë dhe eklipsi hënor te Peshqit, duke sjellë ndryshime të mëdha. Dielli dhe Mërkuri në Virgjëreshë bashkohen në datën 13, për të sjellë telashe dhe mosmarrëveshje.
Dashi
Je në disa udhëkryeqe, Dash? Ndalo së mbajturi mbi shpatulla peshën e botës dhe problemet e të gjithëve. Sa më pak energji t’u japësh të tjerëve dhe sa më shumë ta rikthesh te vetja, aq më mirë do ndihesh. Shkëpute fijen e negativitetit dhe vendos qëllimin për energji më të mira në jetë.
Demi
Ja si është puna: Miqtë e tu nuk e kanë shumë për zemër këtë personin me të cilin ti po del, prandaj duhet të krijosh një urë që i afron së bashku. Pas disa takimeve, do bëhen shokë të ngushtë. Gjithçka që duhet të bësh është t’i mbledhësh të gjithë për të krijuar njëfarë raporti. Kaq, pa strese dhe problemi u zgjidh!
Binjakët
Aktualisht je tërhequr në dy drejtime të ndryshme. Do jetë sfiduese të gjesh një moment reflektimi, për të marrë një vendim. Merr parasysh të dyja anët e situatës për të kuptuar çfarë do ti. Merr pak kohë për të zgjedhur pasi të kesh folur me miqtë e tu, për të marrë këshillat e tyre.
Gaforrja
Për herë të parë pas një periudhe, mund të përqendrohesh në atë që të duhet në dashuri. Për këtë arsye, fol hapur dhe trego ndjenjat e tua dhe kufijtë. Askush nuk e di çfarë dëshiron përveç nëse ua thua ti. Bëj hapin e parë drejt destinacionit tënd emocional.
Luani
Meqë të pëlqen t’i bësh dhurata vetes dhe të tjerëve për të treguar sa kujdesesh, mund të duhet të ndalosh së përdoruri kartën e kreditit për momentin. Me financat s’i ke shumë mirë punën, ndaj është thelbësore të kontrollosh shpenzimet për të shmangur kolapsin e llogarisë bankare në të ardhmen.
Virgjëresha
Pasiguritë dhe ankthi po të ngjiten pas! Mënyra më e mirë për t’u përballur është të praktikosh afirmime të përditshme që të kujtojnë se sa person fantastik je. Gjithashtu, bëj diçka të mirë për veten, merr një ditë pushimi nga puna ose një shëtitje në natyrë.
Peshorja
Kjo javë të thërret që të lidhesh më shumë me veten. Rezervo kursin që do, ndiq pasionin që ke ëndërruar, bëj një rezervim në restorantin ku ke kohë që do të shkosh, ose shko në kinema pasdite. Shijo eksperiencën dhe shpërbleje veten, Peshore!
Akrepi
Ditët e para të vjeshtës po të shtyjnë të planifikosh një udhëtim jashtë qytetit. Dërgo një mesazh në grup dhe nxiti miqtë e tu të ngushtë të vijnë me ty. Këtë herë, përqendroje pushimin te shërimi dhe rigjallërimi i aurës. Do të ndihesh i/e rifreskuar!
Shigjetari
Puna është më e ngarkuar se kurrë, duke të çuar drejt një fundjave irrituese. Kupto që nuk mund t’i bësh të gjitha, përpara se të shtysh veten në limitin ekstrem. Diçka duhet lëshuar, qoftë durimi apo cilësia e punës. Kërko ndihmë para se të shpërthesh!
Bricjapi
Gati për të bërë një zhytje të thellë në pasionin tënd të ri: Të shohësh me vëmendje të gjitha lëvizjet e partnerit/es, për të zbuluar nëse të tradhton/flirton me dikë! Por, më mirë mos e merr mundimin, ki besimin e duhur dhe mos bjer në paranoja të kota.
Ujori
Muajt e fundit kanë treguar që je një qenie e fuqishme. Tani që ndien forcën tënde, mund të marrësh kontroll mbi çdo aspekt të jetës. Kjo do të thotë të mos pranosh më pak se ç’meriton, por të kërkosh botën. Si rezultat, do marrësh shumë respekt nga të gjithë!
Peshqit
A të rrish apo të largohesh? Statusi i marrëdhënies tënde varet nga fakti nëse partneri do arrijë nivelin e duhur këtë javë. Pasi i ke dhënë miliona mundësi për të provuar veten, ke kuptuar që ndoshta nuk do bëhet kurrë personi që ti pret. Potenciali nuk vlen nëse nuk ka ndryshim të vërtetë.
-
Horoskopi i Susan Miller: Shtator 2025
5 Shtator, 08:29
