Jennifer Aniston di gjithmonë si të ndezë bisedat e bukurisë, dikur me “The Rachel” që u bë prerja më ikonike e flokëve, sot me thonjtë e saj që po shpallen si ngjyra it e vjeshtës 2025.
Në kopertinën e shtatorit të Vanity Fair, ylli i "Friends" shfaqet me një fustan rozë shampanjë të mbushur me detaje të ndritshme, por një pjesë tjetër që i rrëmbeu duartrokitjet ishte dhe manikyri: një ngjyrë kumbulle, e thellë, e sofistikuar, e pagëzuar si “Victoria Plum”.
Jennifer i kombinoi thonjtë me një krehje voluminoze dhe fustanin sensual. Në fotot e tjera dhe me kostumin fantastik po në ngjyrë kumbulle. Rezultati? Një pamje që të bën të shkosh lehtësisht nga një event serioz te një darkë me miqtë, pa ndryshuar asnjë detaj.
“Victoria Plum” është ajo ngjyra perfekte e tranzicionit nga vapa përvëluese, në ditët kur fillon të nxjerrësh pulovrat ngadalë-ngadalë prej dollapit. Ngjyra e kumbullës është mjaftueshëm dramatike për të rënë në sy, por po aq delikate sa të mos të të lodhë sytë.
Pra, po e themi me zë të lartë: përgatituni ta shihni këtë ngjyrë kudo në javët e ardhshme. Faleminderit Jen, që na kujtove pse vitet ’90 nuk dalin kurrë nga moda.
-
-
-
-
-
13 super mënyra për të koordinuar këpucët me çantat tuaja
9 Gusht, 10:31
