Këngëtari Joe Jonas u përfshi me shumë sportivitet në videon e tij që u bë virale në internet, ku duket se po vuan për shtatë minuta për të parkuar paralel makinën e tij në Nju Jork.
Videoja, postuar nga një përdoruese, kishte përshkrimin:
“E dua Nju Jorkun sepse po shoh Joe Jonas duke parkuar paralel për 7 minuta.”
Joe Jonas iu përgjigj fillimisht me një koment:
“Dhe të pashë duke parë dhe nuk ndihmove një herë.”
View this post on Instagram
Më pas, ai postoi vetë një video me humor, ku "e nxjerrin" jashtë një dyqani dhe duke ecur i mërzitur në rrugë, Joe shkruan:
“Si po më trajton qyteti sot që nga videoja e parkimit paralel.”
View this post on Instagram
Disa fansa e mbështetën, duke kujtuar se parkimi paralel në Nju Jork konsiderohet shpesh një makth. Një përdoruese komentoi: “Pjesa më e keqe e parkimit paralel janë gjithmonë dëshmitarët,” ndërsa një tjetër shtoi: “Nuk mund të jesh i bukur, i talentuar dhe gjithashtu të dish të parkosh paralel.”
Në një tjetër video që tallet me stërmundimin 7-minutësh të këngëtarit për të parkuar paralel, ky i fundit ka komentuar "6 minuta.". Njerëzit nëpër komente po e shijojnë shumë mënyrën si Joe Jonas po përballet me videon virale, me shumë prej tyre që komentojnë "Mbreti ynë që rri online në mënyrë kronike!".
