Nuk ishte aspak çudi që dy vëllezërit “me gjak blu” nuk kishin një marrëdhënie të mirë me njëri-tjetrin. Por, sot, falë teknologjisë, telefonatave në FaceTime dhe tensionit në të cilin i ka vendosur gjyshja mbretëreshë, dy vëllezërit e kanë rregulluar marrëdhënien e tyre.

Një burim thekson se vëllezërit duan kohë që të qetësojnë gjithçka ka ndodhur. E gjithë familja, përfshirë edhe William ishin të zhgënjyer për mënyrën si Harry dhe Meghan zgjodhën të largohen nga gjiri familjar dhe privilegjet mbretërore. Por sërish, William e konsideron Meghan si një nënë të mirë dhe një bashkëshorte besnike, gjithashtu është i lumtur për vëllain e tij. Dukshëm, janë në kushte mjaft të mira, si dy miq të vjetër. Edhe distanca e Meghan nga Kate e ka ndihmuar përshpjetimin e procesit të pajtimit.

Meghan dhe Harry kanë planifikuar një festë intime ditëlindjeje për vajzën e tyre Lilibet. Ditëlindja e saj do të kremtohet në Angli, por fatkeqësisht Kate dhe William nuk do të jenë prezentë, për shkak të një vizite në Wales. Gjithsesi, nuk ka si të mungojë Shkëlqesia e Saj, Mbretëresha Elizabeth II, e cila do të ketë rastin të takojë vogëlushen për herë të parë.

Edhe fëmijët e Kate dhe William do të takojnë kushërirën e tyre dhe e gjithë bota po pret fotot më të *lezeeeetshme*.

Burimi: Cosmopolitan