Ka mjaftuar anulimi i një koncerti që admiruesit e këngëtarit të famshëm të “shpërthejnë” virtualisht në komente. Kështu, Justin Timberale kishte planifikuar një koncert në qendrën Prudental në New Jersey, por si pasojë e një dëmtimi, ai njoftoi anulimin e eventit vetëm disa orë përpara nisjes së tij.
Përmes një postimi në Instagram, artisti u kërkoi falje admiruesve të muzikës së tij, teksa shpjegoi edhe arsyet e anulimit të koncertit.
“Më vjen shumë keq që po e shtyj shfaqjen e sotme. Kam pësuar një dëmtim që më pengoj të performoj. Jam i zhgënjyer që nuk do mundem t’ju shoh dot të gjithëve sot. Por, jam duke punuar që ta sjellë sa më shpejt të jetë e mundur. Ju premtoj se do t’ju jap shfaqjen që meritoni,” shkruan ai në postim.
View this post on Instagram
Mjaftoi ky postim që njerëzit të komentonin të zhgënjyer, për faktin se vendimi nga ana e këngëtarit u erdhi vetëm disa orë para.
"Ne jemi të gjithë të rritur, kemi punë, familje dhe fëmijë. Na duhej të përgatiteshim mendërisht për këtë, të organizonim gjithë oraret për të mbërritur nga puna drejt koncertit,” shkroi një komentues; “Njoftimi dy orë përpara shfaqjes është i papranueshëm,” shtoi një tjetër; “Mos është një shaka e juaja kjo Justin? Dyert e koncertit hapen për 30 minuta dhe ju njoftoni tani?” komentoi një tjetër ndjekës në Instagram-in e Timberlake.
Por, përtej komenteve me doza zemërimi, në mesin e tyre kishte edhe nga ato që e mirëkuptonin këngëtarin për vendimin e tij.
"Rëndësi ka që të shëroheni, ndaj nuk jeni i detyruar t’i kërkoni falje njeriut,”; “Lëndimi nuk është shaka. Uroj që të shëroheni dhe t’ju shohim sërish në skenë,” shtoi një tjetër.
Ky koncert i Timberlake supozohej të ishte edhe ndalesa e fundit e këngëtarit, si pjesë e turneut të tij botëror “Forget Tomorrow”.
Artikuj të sugjeruar:
Burimi: OK Magazine
