Karlie Kloss ka tërhequr vëmendjen e botës së modës me një detaj të vogël, por shumë interesant në paraqitjen e saj të fundit në New York: këpucët. Modelja zgjodhi një fustan të bardhë midi, të lehtë dhe romantik, me pika kafe, rripa dhe një dekolte në formë V-je.
Por ishin balerinat e saj ato që i dhanë veshjes një tjetër dimension. Karlie i kombinoi fustanin me një palë balerina lëkure ngjyrë kafe me majë të hapur, një version më modern dhe paksa subversiv i këpucës klasike.
Ky model bashkon dy tendenca që po fitojnë terren: lëkurën e butë e fleksibël dhe dizajnin me majë të hapur. Detaji i vogël i hapjes i jep balerinave një pamje më të freskët, duke i larguar nga estetika tradicionale që njohim prej tyre.
Dhe, ndoshta, kjo është arsyeja pse mund të jenë zgjedhja perfekte për periudhën mes fundit të verës dhe fillimit të vjeshtës: këmbën e mbajnë të mbuluar, por një pjesë e vogël mbetet e zbuluar për të treguar pedikyrin e verës. Me pak fjalë, balerinat klasike sapo morën një përditësim që ia vlen ta kemi në sy për sezonin e ardhshëm.
