Duket sikur kanë kaluar shekuj që nga koha kur kthimi i xhinseve në fund ishte një trend i pashmangshëm. Disa njerëz e urrejnë, të tjerë janë nostalgjikë, duke e konsideruar si një detaj të këndshëm.
Unë jam diku në mes. Mund të duket shumë elegant, por vetëm nëse bëhet siç duhet. Për fat të mirë për ata që nuk janë të sigurt si ta realizojnë siç duhet, Kendall Jenner u pa së fundmi me xhinse të kthyera në fund, dhe pa dyshim që ajo e realizoi në mënyrën e duhur.
Pak para se të mbërrinte në Paris për Javën e Modës, Jenner postoi disa foto në Instagram Stories ku shfaqej me një veshje të thjeshtë por shumë të kuruar, me një palë xhinse me fundin e kthyer. Por nuk ishin thjesht xhinse dosido, ishin xhinse të errëta, të cilat janë në modë këtë vit, dhe duket se kjo prirje do të zgjasë. Prandaj, kombinimi i këtyre dy elementëve përbën një stil mjaft interesant.
Por edhe këpucët luajnë një rol të madh. Kendall kishte veshur këpucët “Stella” të The Row, një model shumë i preferuar nga ata që kërkojnë rehati dhe elegancë. Janë elegante, të thjeshta dhe të rafinuara, tre cilësi që shkojnë në mënyrë perfekte me xhinset me fund të kthyer.
U bindët t’i provoni sërish xhinset e kthyera në fund? Vetëm sigurohuni që t’i zgjidhni të errëta dhe t’i kombinoni me këto këpucë nëse doni të dukeni me stil dhe në të njëjtin hap me trendet më të fundit.
