Foto: Blake Lively/ Getty Images

Ndërtimi i një veshjeje duke u bazuar tek elementët bazë të gardërobës është një mënyrë shumë praktike dhe efikase për t’u përgatitur më shpejt çdo ditë. Këto pjesë janë të lehta për t’u kombinuar dhe përshtaten pothuajse me gjithçka. Një stil minimalist shërben si një “kanavacë e zezë”, ku aksesorët shtojnë karakter, personalitet dhe qëllim te veshja.

Ky stil është reflektuar edhe nga një paraqitje e fundit e Blake Lively në Nju Jork, ku një kombinim klasik u kthye në një pamje elegante dhe të kuruar. Në qendër të veshjes ishin xhinse të zeza me prerje të drejtë dhe një kanotierë e zezë. Mbi supek ajo ishte vendosur një pardesy bezhë, ndërsa veshja u plotësua me një çantë të zezë me detaje, një varëse elegante dhe këpucë të zeza me majë.

Ajo që e bën një kombinim kaq të thjeshtë të duket luksoz zakonisht nuk lidhet vetëm me rrobat, edhe pse cilësia ka rëndësi. Gjithçka varet nga mënyra si stilohen. Detajet e menduara mirë, si një çantë me stil klasik apo elementë që sjellin një ndjesi nostalgjie, i japin veshjes një identitet të veçantë dhe e bëjnë të duket e kuruar.

Një varëse e hollë elegante apo një palë këpucë klasike të zeza e transformojnë menjëherë pamjen, duke shtuar finesë dhe elegancë. Megjithatë, sekreti nuk është tek teprimi, por te zgjedhja e kujdesshme e detajeve që përfundojnë veshjen.

Kombinimi xhinse dhe kanotierë nuk është aspak i mërzitshëm, me stilimin e duhur, ai mund të duket i sofistikuar dhe i menduar deri në detaj.