Khëm-khëm! Thuhet se Hailey po e ndihmon Justin të dalë nga kriza ekonomike

Kishan Mistry

Hailey e ka marrë seriozisht betimin e martesës “në të mirë e në të keq” dhe sipas raportimeve, po e ndihmon të shoqin të kalojë një krizë financiare. Justin duhet të shlyejë marrëveshjen që ka arritur me ish-menaxherin e tij, Scooter Braun.
 
Një burim i tha TMZ-së se një nga kushtet e marrëveshjes përcakton që “Justin do e paguajë ish-menaxherin kur marrëveshja miliona dollarëshe e bashkëshortes së tij me e.l.f Cosmetics të finalizohet dhe fondet të kalojnë në llogarinë e saj bankare”.
 
Ky zhvillim vjen vetëm një javë pasi Justin ra dakord të paguajë 31 milionë dollarë ndaj Scooter dhe kompanisë së tij, H Corporation.

 
Në maj, një auditim përcaktoi se Justin i detyrohej Scooter-it miliona dollarë, pasi kishte marrë hua për të shlyer një borxh të krijuar nga anulimi i turneut të tij “Justice” në vitin 2022.
 
Këngëtari i “Baby” u detyrua të anulonte turneun pasi u diagnostikua me sindromën Ramsay Hunt, e cila i shkaktoi paralizë faciale. Megjithatë, anulimi bëri që kompania që mbështeste turneun të kërkonte kthimin e një shume prej 26 milionë dollarësh.
 
Scooter Braun, 44 vjeç, më pas “ndërhyri për të ndihmuar” Justin-in, 31 vjeç, ta shlyente borxhin përmes kompanisë HYBE. Në të njëjtën kohë, auditimi zbuloi se Justin gjithashtu i detyrohej Braun-it mbi 11 milionë dollarë në komisione të papaguara, nga të cilat ai do të duhet të shlyejë vetëm gjysmën.
 
Sipas raportimeve, fondet që do të përdoren për shlyerjen e kësaj marrëveshjeje do të vijnë nga marrëveshja miliardëshe e Hailey-t me e.l.f. Beauty, të cilën ajo e finalizoi në maj të këtij viti.
 
Hailey njoftoi përmes një postim në Instagram se kishte shitur kompaninë e saj Rhode Beauty, duke u shprehur: "Që kur lançova Rhode në vitin 2022, kam pasur ëndrra të mëdha për këtë markë dhe gjëja më e rëndësishme për mua është që ta çojmë Rhode në sa më shumë vende, hapësira dhe fytyra anembanë botës.”

Para këtij njoftimi, një burim konfirmoi për TMZ se Hailey siguron 100% të ardhurat e familjes.
 
Marrëveshja e Justin-it erdhi gjithashtu pas raportimeve që nxorën në pah problemet e tij financiare.

“Shpenzoi 300 mijë dollarë në Nobu gjatë Coachella-s. Nuk ka punuar prej një kohe të gjatë,” i tha një burim Page Six-it në fillim të majit, duke pohuar se Justin po shpenzon shumë më tepër sesa ka mundësi.

Si unë edhe Justin.

Në tetorin e kaluar u raportua gjithashtu se Justin, i cili ka një pasuri neto të vlerësuar rreth 300 milionë dollarë dhe kishte shitur katalogun e muzikës për 200 milionë dollarë në vitin 2022, po shqyrtonte mundësinë e paditjes së menaxherëve të tij financiarë, duke i akuzuar për keqmenaxhim të 300 milionë dollarëve të pasurisë së tij. Megjithatë, një burim konfirmoi se faji i vërtetë qëndronte te zakonet e shpenzimeve të Justin-it, të cilat ishin “plotësisht jashtë kontrollit”.
 
“Ai shpenzon shuma marramendëse çdo muaj. Në një moment, nuk mund të merrte as kartë krediti,” shtoi burimi.
 
Përfaqësuesi i Justin-it mohoi kategorikisht çdo krizë financiare:

“Çdo burim që përpiqet t’ju rrëfejë një histori për vështirësi të supozuara financiare…ose nuk e kupton industrinë e argëtimit, ose me shumë gjasa, po përpiqet të krijojë një portret të Justin-it që s’përputhet me realitetin”.

Rishtazi, Justin publikoi albumin e tij të ri, “SWAG”, i cili duket se u mirëprit nga fansat dhe me shumë mundësi, do të rrisë edhe të ardhurat e tij.