Të gjithëve na pëlqen të lëmë një përshtypje të mirë, qoftë në një takim të parë, një intervistë pune apo thjesht në një bisedë me miqtë. Por psikologët thonë se ekziston një zakon i të folurit që mund t'ju bëjë menjëherë më pak të pëlqyeshëm, edhe nëse nuk e kuptoni se po e bëni.
Bëhet fjalë për atë që quhet "humble-brag", pra kur dikush përpiqet të mburret duke e fshehur krenarinë pas një ankese ose një forme modestie të rreme. Në vend që të tingëllojë i përulur, mesazhi shpesh perceptohet si arrogant.
Sipas psikologes Golee Abrishami, fraza që i bezdis më shumë njerëzit është ajo që nis me: "U ndjeva shumë në siklet kur...". Arsyeja? Sepse zakonisht pasohet nga diçka që, në fakt, është një mburrje.
Për shembull:
"U ndjeva shumë në siklet kur fitova çmimin para gjithë klasës."
"U ndjeva në siklet kur nuk po gjeja vend ku të parkoja makinën time të re."
Psikologia shpjegon se njerëzit presin të dëgjojnë një moment të sinqertë vulnerabiliteti, por në vend të tij marrin një mënyrë të maskuar për të treguar suksesin. Kjo krijon mosbesim dhe e bën personin më pak të pëlqyeshëm.
Edhe këto fraza mund të japin të njëjtin efekt:
"E kam shumë bezdi kur..." (p.sh. "E kam shumë bezdi kur më vijnë disa oferta pune njëherësh.")
"Të gjithë më thonë që jam shumë i/e zgjuar, por unë nuk jam..."
"Unë e bëja këtë aktivitet shumë kohë para se të bëhej trend."
Sipas ekspertëve, problemi nuk është të jesh krenar për arritjet e tua. Përkundrazi, është më mirë të flasësh hapur për to sesa t'i fshehësh pas ankesave apo modestisë së shtirur.
Mos harroni, njerëzit krijojnë më shumë lidhje me ata që janë autentikë. Ndaj, nëse ke diçka për të festuar, thuaje me sinqeritet. Shanset janë që kjo të të bëjë shumë më të pëlqyeshëm sesa një "mburrje e maskuar".
