Pas kritikave për filmin e saj më të fundit, Kiss of the Spider Woman, Jennifer Lopez është gati të përqendrohet te projekti i radhës. Burime pranë saj tregojnë se, në vend që të vuajë nga zhgënjimi, aktorja ka vendosur të ecë përpara.
Kur filmi Kiss of the Spider Woman doli në kinema, ajo besonte se do të bëhej një ndër më të shikuarit. Madje shpresonte që ky thriller muzikor t’i sillte edhe një nominim për Oscar. Por filmi nuk pati sukses siç pristw J.Lo.
Megjithatë, në vend që të ankohej, burimet tregojnë se J.Lo ka vendosur të “të ecë përpara”. Këngëtarja madje u tërhoq nga Festivali i Filmit në Savannah pasi “e kishte mbyllur këtë çështje”.
“Pa u menduar gjatë, ajo pa dështimin dhe u tërhoq,” tha një burim.
56-vjeçarja gjithashtu anuloi paraqitjen për marrjen e çmimit Virtuoso Award pasi mësoi se shfaqja e filmit ishte anuluar. Një bashkëpunëtor i saj tha se reagimi i Lopez tregon se ajo “nuk feston dështimin, por ndryshon drejtim”.
Edhe pse disa mund të shqetësohen për mënyrën si po e përballon këtë periudhë, miqtë e saj thonë se aktorja tashmë po sheh drejt kapitullit të radhës.
