Ka disa tendenca mode që mendojmë se i kemi lënë përgjithmonë pas, por moda ka një zakon të çuditshëm: ajo gjithmonë gjen një mënyrë për t’i rikthyer. Këtë herë radha është e pantallonave të zeza treçerekëshe, një model që shumëkush mund ta kishte konsideruar të dalë nga moda, por që vajzat më me stil po e sjellin sërish në vëmendje.
Një prej tyre është edhe Charli XCX, e cila u pa së fundmi në Bruklin me këtë model pantallonash dhe arriti t’i bëjë të duken krejtësisht ndryshe. Duke qenë se këngëtarja njihet për stilin e saj të guximshëm dhe paksa rebel, zgjedhja e një modeli kaq klasik ishte disi surprizuese, por rezultati ishte elegant dhe shumë aktual.
Sekreti i saj? Dy pjesë shumë të thjeshta: një kanotiere e bardhë dhe një palë këpucë të zeza me majë dhe takë. Për ta kompletuar pamjen, ajo zgjodhi edhe një çantë të zezë me formë të strukturuar.
Në vend që ta ndërlikonte veshjen me shumë aksesorë apo detaje, Charli tregoi se pikërisht thjeshtësia është ajo që i bën këto pantallona të duken moderne. Një kombinim i pastër, i rregullt dhe pa shumë përpjekje është mënyra më e mirë për t’i dhënë një jetë të re një modeli që dikur konsiderohej i vjetëruar.
Nëse ke ende një palë pantallona treçerekëshe të zeza në garderobë, ndoshta ka ardhur momenti t’i nxjerrësh sërish në dritë. Mjafton t’i shoqërosh me bazat e duhura dhe do të duken sikur sapo kanë dalë nga një koleksion i ri.
-
-
-
-
-
-
J. Lo veshi pantallonat deri te gjuri në mënyrën më të papritur
10 Korrik, 09:47
