Nëse ka një personazh publik që i njeh më së miri kodet e stilit dhe e rifreskon look-un në mënyra të papritura, ajo është Elvana Gjata. Këtë herë, këngëtarja ka lënë pas nuancat klasike që jemi mësuar ta shohim dhe ka zgjedhur një ngjyrë flokësh që është, pa asnjë dyshim, në listën tonë për këtë vjeshtë.
Bëhet fjalë për një balayage të ngrohtë, me bazë kafe të thellë dhe reflektime të arta dhe ngjyrë mjalti që kapin dritën në mënyrën më të bukur të mundshme. Ngjyra është kaq mirë e punuar, sa duket sikur flokët i janë puthur nga dielli gjithë verën. Një miks perfekt mes natyrales dhe luksit të kuruar.
Elvana ka preferuar ta shoqërojë ndryshimin me onde të mëdha glam, që e çojnë look-un e saj drejt Hollywood-it të ditëve moderne. E kombinuar me makeup minimal, që nxjerr në pah tiparet e saj, pamja e re është e thjeshtë, por tepër efektive.
Nuk e dimë për ju, por ne i kemi bërë tashmë screenshot dhe do ia tregojmë parukieres sapo të hyjmë në sallon. Sepse, le ta pranojmë, kush s’do donte pak “Elvana energy” këtë sezon?
