Shumë njerëz e dinë se një shëtitje e shkurtër pas ngrënies ndihmon tretjen dhe organizmin, por studimet e fundit sugjerojnë se edhe një ushtrim i thjeshtë mund të ketë një efekt të ngjashëm, madje në vetëm pak minuta. Bëhet fjalë për squats (ulje-ngritje me peshën e trupit), të cilat mund të ndihmojnë në kontrollin e niveleve të sheqerit në gjak pas vakteve.
Pas konsumimit të një vakti me karbohidrate, niveli i glukozës në gjak rritet natyrshëm. Kur muskujt aktivizohen përmes lëvizjes, ata përdorin glukozën si burim energjie, duke ndihmuar organizmin ta largojë më shpejt atë nga qarkullimi i gjakut.
Squats aktivizojnë njëkohësisht disa nga grupet më të mëdha muskulore të trupit, si kofshët dhe vithet, duke rritur menjëherë kërkesën për energji. Si rezultat, glukoza shfrytëzohet në mënyrë më efikase, duke kufizuar rritjen e menjëhershme të sheqerit në gjak pas ngrënies.
Sipas ekspertëve, nuk nevojitet një stërvitje e gjatë apo intensive për të përfituar. Edhe rreth dy minuta aktivitet, ose 10 deri në 15 squats, mund të jenë të mjaftueshme për të aktivizuar muskujt dhe për t’i dhënë organizmit një shtysë të vogël pas vaktit.
Kjo alternativë është veçanërisht praktike për ata që nuk kanë mundësi të dalin për një shëtitje, qoftë në shtëpi apo në ambientin e punës.
Megjithatë, kjo nuk do të thotë se squats zëvendësojnë ecjen. Ecja mbetet një nga format më të rekomanduara të aktivitetit fizik, pasi përmirëson shëndetin e zemrës, qarkullimin e gjakut dhe ndihmon procesin e tretjes. Nga ana tjetër, squats ofrojnë një stimul më të menjëhershëm për muskujt, duke favorizuar përdorimin më të shpejtë të glukozës.
Ekspertët theksojnë se të dyja format e aktivitetit fizik nuk konkurrojnë me njëra-tjetrën, por mund të kombinohen lehtësisht në rutinën e përditshme për të përmirësuar shëndetin dhe kontrollin e sheqerit në gjak.
-
-
-
-
10 zakone që do të të bëjnë më të respektuar se 98% e njerëzve
31 Korrik, 12:59 -
6 mënyra si telefoni po e ndryshon trupin tuaj pa e kuptuar
31 Korrik, 12:22
