Qindra të arrestuar nën dyshimin për zjarrvënie të qëllimshme në Francë, ndërsa zjarret masive shpërthejnë në të gjithë Europën
Gati 500 persona janë arrestuar në Francë që prej fillimit të verës, nën dyshimin se kanë shkaktuar zjarre masive, ndërsa 474 prej tyre janë ndaluar që nga 1 korriku dhe rreth 70% dyshohet se i kanë ndezur zjarret qëllimisht.
Në Kroaci, një zjarr i fuqishëm në një zonë turistike shkaktoi një viktimë, rreth 40 të plagosur dhe evakuimin e 1,200 personave, ndërsa zjarret kanë detyruar mijëra njerëz të largohen nga shtëpitë edhe në Gjermani, Spanjë dhe Greqi.
Vala e të nxehtit që ka përfshirë Europën, me temperatura shumë mbi normalen dhe kushte të thata, po favorizon përhapjen e flakëve, ndërsa autoritetet europiane paralajmërojnë për rrezik ekstrem nga zjarret në disa pjesë të kontinentit.
Një tërmet i fuqishëm me magnitudë 7.7 ballë godet Indonezinë lindore, duke lënë të paktën pesë të vdekur
Një tërmet i fuqishëm me magnitudë 7.7 goditi të shtunën herët rajonin e Flores në Indonezinë lindore, duke shkaktuar të paktën pesë viktima, dëme të mëdha në ndërtesa dhe panik te banorët.
Autoritetet lëshuan një paralajmërim për tsunami, i cili u hoq më vonë pasi nuk u regjistruan ndryshime të rrezikshme të nivelit të detit, ndërsa në disa zona u vunë re dallgë më të vogla se një metër dhe pati dhjetëra lëkundje pasuese.
Banorët pranë epiqendrës u larguan me nxitim drejt zonave më të larta, ndërsa ekipet e emergjencës po vlerësojnë dëmet; tërmeti goditi një zonë të Indonezisë të njohur për aktivitetin e shpeshtë sizmik.
Shqetësimet rriten për lidhjet e shtuara globale me talebanët në Afganistan
Po shtohen shqetësimet se talebanët po dalin gjithnjë e më shumë nga izolimi ndërkombëtar, pasi vende si India, Kina, Irani, Katari dhe Rusia kanë forcuar kontaktet me regjimin në Kabul, ndërsa edhe disa vende europiane kanë nisur bisedime me ta.
Aktivistët e të drejtave të njeriut druhen se këto kontakte po i japin talebanëve legjitimitet pa kërkuar përmirësime konkrete, ndërkohë që gratë vazhdojnë të përjashtohen nga universitetet dhe pjesës më të madhe e tregut të punës, vajzave adoleshente, u ndalohet arsimi dhe kufizimet ndaj lirive vazhdojnë.
Afrimi me talebanët lidhet kryesisht me sigurinë rajonale, interesat ekonomike dhe përpjekjet e vendeve perëndimore për të menaxhuar emigracionin, ndërsa analistët nuk presin që regjimi të zbusë ndjeshëm qëndrimin e tij në të ardhmen e afërt.
Irani thotë se Ngushtica e Hormuzit do të mbetet iraniane pas paralajmërimit të Trump
Irani ka reaguar ashpër ndaj deklaratës së Donald Trump se SHBA-ja mund ta shpallë së shpejti Ngushticën e Hormuzit territor të Shteteve të Bashkuara, duke këmbëngulur se ajo do të mbetet nën kontrollin iranian.
Zëvendësministri i Jashtëm iranian Kazem Gharibabadi deklaroi se “Ngushtica e Hormuzit ka qenë iraniane, është iraniane dhe do të mbetet iraniane”, duke shtuar se hapja dhe mbyllja e saj do të bëhet vetëm me urdhër të Iranit.
Deklaratat vijnë në një kohë tensionesh të larta mes dy vendeve, pasi ngushtica, përmes së cilës kalon rreth një e katërta e naftës së transportuar në botë, është kthyer në një pikë kyçe të përplasjes mes Uashingtonit dhe Teheranit.
